सोयाबीनमध्ये चढ उतारसोयाबीनच्या भावात मागील काही दिवसांपासून काहीसे चढ उतार सुरु आहेत. गेले आठवडाभर प्रक्रिया प्लांट्सचे भाव सातत्याने ४७०० ते ४ हजार ८०० रुपयांच्या दरम्यान राहीले. दरात रोज २० ते ५० रुपयांचे चढ उतार दिसले. काल नरमाई तर आज सुधारणा अशी स्थिती आहे. बाजार समित्यांमध्ये सरासरी ४ हजार ते ४ हजार ३०० रुपयांच्या दरम्यान सोयाबीनची विक्री होत आहे. बाजारातील आवक सरासरीपेक्षा कमीच असल्याचे व्यापारी सांगत आहेत. लातूर, जालना, अकोला, वाशीम, कारंजा, अमरावती या बाजारांमधील आवक अधिक आहे. सोयाबीनची आवक आणखी काही दिवस चांगली राहू शकते, असा अंदाज सोयाबीन बाजारातील अभ्यासकांनी व्यक्त केला. .कापूस दर स्थिरदेशातील बाजारात कापसाच्या भावात मागील आठवडाभर स्थिरता पाहायला मिळाली. गुणवत्तेच्या कापसाचे भाव काहीसे वाढले. मात्र सरासरी दरपातळीत फारसा बदल दिसला नाही. बाजारातील कापसाची आवक वाढलेली आहे. तर सीसीआयची खरेदीही वाढलेली आहे. सध्या बाजारात ६ हजार ९०० ते ७ हजार ३०० रुपयाने कापूस विकला जात आहे. तर काही बाजारांमध्ये सरासरी दरपातळी अधिक दिसत आहे. अकोला, जालना, वणी, वर्धा आणि सोनपेठ बाजारात कापसाचा सरासरी भाव ७ हजार ८०० ते ७ हजार ९०० रुपये होता. इतर बाजारांमधील दरपातळी सरासरीच्या दरम्यान होती. कापसाची आवक पुढील आठवड्यातही कायम राहण्याची शक्यता आहे, असा अंदाज सोयाबीन बाजारातील अभ्यासकांनी व्यक्त केला. .Agrowon Podcast: हरभरा दर स्थिरावले; सोयाबीनमध्ये नरमाई, काकडीला मटारचे भाव वाढले तर सिताफळाचे दर टिकून.मका आवक सुधारलीदेशातील बाजारात गेल्या आठवडाभरात मक्याची आवक सुधारल्याचे दिसत आहे.तर पुढे मक्याला मागणी मर्यादीत येत आहे. याचा परिणाम दरावर दिसत आहे. सध्या बाजारात मक्याचा भाव अगदी एक हजारांपासून सुरु होत आहे. तर सरसरी दरपातळी आठवडाभर १४०० ते १७०० रुपयांच्या दरम्यान राहीली. एनसीडीईएक्सचे स्पाॅटचे भाव १९५० ते २१५० रुपयांच्या दरम्यान राहीले. देशात यंदा मक्याचे उत्पादन वाढण्याचा अंदाज आहे. खरिपातील मक्याचे उत्पादन वाढले आहे. रब्बी आणि उन्हाळी हंगामातही अधिक उत्पादनाची शक्यता आहे. याचा परिणाम मक्याच्या दरावर राहील, असा अंदाज मका बाजारातील अभ्यासकांनी व्यक्त केला. .Agrowon Podcast : सोयाबीनचे भाव स्थिर,कापूस दरात सुधारणा,तुरीचे दर दबावातच,लसणाच्या दरात चढ उतार,.बोरांना मागणीथंडी सुरु झाल्यानंतर राज्यातील बाजारात आंबट-गोड बोरांचीही आवक सुरु झाली. सध्या बोरांचा मुख्य हंगाम सुरु झालेला नाही. त्यामुळे आवकही कमी आहे. पुढील काही आठवड्यानंतर मुख्य हंगाम सुरु होऊन आवकही सुधारण्याची शक्यता आहे. सध्या बोरांना प्रतिक्विंटल सरासरी २५०० ते ३ हजारांचा दर मिळत आहे. बोरांचे उत्पादनही यंदा कमी राहण्याची शक्यता काही शेतकरी व्यक्त करत आहेत. त्यामुळे यंदा बोरांनाही बऱ्यापैकी दर राहू शकतो, असा अंदाज व्यापारी आणि जाणकार शेतकरी व्यक्त करत आहेत. .बेदाणा तेजीतराज्यातील बाजारात सध्या बेदाण्याची आवक कमी होत आहे. तसेच गोदामांमध्येही माल कमी असल्याचे शेतकरी सांगत आहेत. यंदा बेदाणा निर्मितीला फटका बसला होता. त्यामुळे उत्पादन सरासरीपेक्षा कमी राहील्याचे उत्पादकांचे म्हणणे आहे. दिवाळीपासून बेदाण्याला मागणी वाढत गेली. बेदण्याला सध्या तासगाव आणि सांगली बाजारात गुणवत्तेनुसार २०० ते ३०० रुपये किलोचा दर मिळत आहे. बेदण्याची आवक पुढील काही आठवडे कमीच राहण्याची शक्यता आहे. त्यामुळे दरही टिकून राहतील, असा अंदाज बेदाणा बाजारातील अभ्यासकांनी व्यक्त केला. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
