Kolhapur News: साखर निर्यातीचा निर्णय होऊनही जागतिक बाजारात साखरेच्या किमती स्थानिक बाजारापेक्षा कमी असल्याने निर्यातीबाबत अद्याप शांतताच आहे. देशाचा हंगाम सुरू होऊन दोन महिने उलटूनही निर्यात करार होत नसल्याचे कारखाना सूत्रांनी सांगितले. केंद्राने साखर उद्योगाच्या मागणीनुसार निर्यातीला परवानगी दिली असली तरी त्याबाबत हालचाली नसल्याने हा निर्णय सध्या तरी कुचकामी ठरला आहे..गेल्या वर्षीही परवानगी दिलेल्या दहा लाख टनांपेकी कशीबशी सात हजार टन साखर निर्यात झाली होती. आंतरराष्ट्रीय बाजारात दर वधारले नाहीत तर कदाचित या वर्षीही दिलेली निर्यात पूर्ण होऊ शकणार नाही अशी शक्यता व्यापारी सूत्रांनी व्यक्त केली..Sugar Export: साखर निर्यात, एमएसपीबाबत कर्नाटक सरकारकडून श्रेयवाद.भारतातून तीन वर्षांपूर्वी रेकार्डब्रेक ११० लाख टनांच्या वर साखर निर्यात केल्यानंतर दुसऱ्याच वर्षी निर्यातीवर निर्बंध आणले गेले, यामुळे निर्यातीत घट झाली. धरसोडीच्या वृत्तीमुळे भारताकडून साखर आयातीस उत्सुक देशही दुरावले आहेत. त्यामुळे त्या देशांना नाइलाजाने ब्राझील व अन्य देशांचा सहारा घ्यावा लागला. आतायंदा कारखान्यांनी अफगाणिस्तान आणि पूर्व आफ्रिकन देशांसाठी साखरेचे करार करण्यासाठी प्रयत्न सुरू केले आहेत..Sugar Export: महाराष्ट्राशी दुजाभाव, उत्तरप्रदेशला झुकते माप.२०२६ च्या पहिल्या तिमाहीत अन्य देशातील खरेदीदार भारतावर अवलंबून राहण्याची शक्यता आहे, कारण ब्राझील, जो सर्वांत मोठा उत्पादक आहे. तेथील साखर उत्पादन थांबलेले असेल. हीच एकमेव आशा आता भारतीय साखर उद्योगाला आहे. आशिया आणि आफ्रिकेतील देशांत रमझानसाठी साखरेला मागणी वाढण्याची शक्यता आहे. जानेवारी, फेब्रुवारीत साखरेची मागणी वाढेल, असे व्यापारी सूत्रांनी सांगितले..कोटा वाढविलाकेंद्राने डिसेंबरसाठी २२ लाख टन साखरेचा कोटा देशातील कारखान्यांना दिला आहे. नोव्हेंबरच्या तुलनेत तो २ लाख टनांनी अधिक आहे. सध्या हंगाम वेगाने सुरू झाल्याने कारखान्यांना साखर जास्तीत जास्त विकता यावी. यासाठी गेल्या महिन्याच्या तुलनेत साखर कोटा वाढवून दिल्याने केंद्राने म्हटले आहे. देशात सध्या तरी संक्रांतीपर्यंत मोठा सण नसल्याने पुढील एक महिना साखरेचे दर स्थिर राहतील, असा साखर उद्योगाचा अंदाज आहे.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
