Wardha News : मॉन्सूनपूर्व तयारीचा भाग म्हणून जिल्हाधिकारी राहुल कर्डिले यांनी निम्न वर्धा प्रकल्प व प्रकल्पाचे कालवे तसेच पूलगाव व खर्डा बॅरेजची पाहणी केली. या पाहणीत त्यांनी ठिकठिकाणी शेतकऱ्यांशी संवाद साधून त्यांच्या समस्या समजून घेतल्या.
प्रकल्पाची पाहणी केल्यानंतर जिल्हाधिकाऱ्यांनी मुख्य कालवा, देवळी व गिरोली शाखा कालवे, भिडी, हुस्नापूर, पिंपळगाव, वायगाव, पाथरी, भोजनखेडा, सालोड कालवे परिसरांची पाहणी केली. आर्वी उपसा सिंचन योजनेचा आढावा त्यांनी प्रत्यक्ष लाभक्षेत्राच्या ठिकाणी घेतला.
कालवा प्रवाही सिंचन क्षेत्रामध्ये वाढ निर्माण करण्याचे निर्देश त्यांनी या वेळी संबंधित अभियंत्यांना दिले. आर्वी उपसा सिंचन योजनेचा लाभ रब्बी हंगामात शेतकऱ्यांना देण्याकरिता कामांची गती वाढविण्याच्या सूचनादेखील त्यांनी केल्या.
भिडी येथील पाणी वापर संस्थेचे अध्यक्ष अजय झाडे, शेतकरी प्रवीण डहाके यांच्यासोबत चर्चा करून जिल्हाधिकाऱ्यांनी अडचणी जाणून घेतल्या.
यावेळी प्रकल्पाचे कार्यकारी अभियंता रवी वऱ्हाडे, निम्न वर्धा कालवे विभागाचे कार्यकारी अभियंता रविशंकर हरनखेडे, उपअभियंता सचिन गाडे, शशिकांत सदाफळे, पवन पांढरे, सचिन चोकसे, शाखा अभियंता प्रवीण शंभरकर, संकेत लोखंडे यांच्यासह शेतकरी, पाणी वापर संस्थेचे पदाधिकारी उपस्थित होते.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
